Ekosio Loka Einos Loka Iteso
- Wu okwe Loasuban Edeke papa, idar Iteso Kojai aipuc kai napakin neja Iteso Papa itogogong Emorimor Papa Iteso Kotunakite isio ateker naka Iteso
Chorus : Emuria kolia koliai Emuria kolia Kojai aipuc kainapakina neja Iteso X2
- Oni Iteso irai ateker na bonot Anonokisisi lokai aibuses Emorimor Papa Emorimor idar kere ijo Iteso Koinono ejok lo esai ateker kon
Chorus: Emuria kolia koliai Emuria kolia Kojai aipuc kainapakina neja Iteso X2
- Yesi atumunaka kere kere lu Teso Kojenutu cut inonosio luka Iteso Etopoloto onida akerianut wok Narai na nesi aiea na esipor ateker
Chorus: Emuria kolia koliai Emuria kolia Kojai aipuc kainapakina neja Iteso X2
AGATUN Papakosi obe, loijokuna, Ekasuban kere, Kimalai ijo noi kanuka Emorimorka Ikeswamakake kere.
Kimaimait koinak sio ka kes acowa ka angaleu naitekoro; kejaanakisi atekerekosi kotoma abeit, oipeione, oidicane, ka aminanara; kosaara erwom ka inonosiokosi anatar kere.
Komamete adis kaluciekosi, Kiwonei: kijesak atekerekosi ka akwapukosi aipuc, ainapakin, apol ka ailajaara napur; Kisilosik amiyo ka akeerianut nekosi, kajaasi ka ajare loibecokina.
Kojai ijo duc, Pap Lokasianan, mamakosi: Kiding, aitomor isio ejautenekon, Kingaren, aitodikite sio erot, Osiep, aigaligal kenyeis apaar, Kaukosi, ayuarite kama ikamengerak, Kamaenenetei jo bon, Papa Loketimon, Ikar keere.
- Iii- kito, Eirian. (M.E.A. Elessu- Omaruk, 1999)